Auf der Reise

• Published:04月 9th, 2008
• Comments:2 Comments
• Category:Lyrics, Music

Sequitur alia cantinela omni dulcedine plena eiusdem
Demine nostre, ad trepudium rotundum

Stella splendens in monte
Ut solis radium
Miraculis serrato,
Exaudi populum.

Concurrunt universi
Gaudentes populi,
Divites et egeni,
Grandes et parvuli,
Ipsum ingrediuntur
Ut cernunt occuli,
Et inde revertuntur
Graciis repleti.
Stella splendens in monte
Ut solis radium
Miraculis serrato,
Exaudi populum.

Principes et magnates
Extirpe regia,
Seculi potestates
Optenta venia,
Peccaminum proclamant
Tundentes pectora,
Poplite flexo clamant
Hic: Ave Maria.
Stella splendens in monte
Ut solis radium
Miraculis serrato,
Exaudi populum.

Prelati et barones,
Comites incliti,
Religiosi omnes
Atque presbiteri,
Milites, mercatores,
Cives, marinari,
Burgenses, Piscatores
Premiantur ibi.
Stella splendens in monte
Ut solis radium
Miraculis serrato,
Exaudi populum.

Rustici, aratores,
Nec non notarii,
Advocati, scultores,
Cuncti ligni fabri,
Sartores et sutores,
Nec non lanifici,
Artifices et omnes
Gratulantur ibi.
Stella splendens in monte
Ut solis radium
Miraculis serrato,
Exaudi populum.

Regine, comitisse,
Illustres domine,
Potentes et ancille,
Iuvenes, parvuli,
Virgines et antique,
Pariter vidue
Conscendunt et hunc montem,
Et religiose.
Stella splendens in monte
Ut solis radium
Miraculis serrato,
Exaudi populum.

Cetus hii aggregantur
Hic ut exhibeant
Vota, regraciantur,
Ut ipsa et reddant,
Aulam istam ditantes
Hoc cuncti videant,
Iocalibus ornantes,
Soluti redeant.
Stella splendens in monte
Ut solis radium
Miraculis serrato,
Exaudi populum.

Cuncti ergo precantes
Sexus utriusque,
Mentes nostras mudantes,
Oremus devote:
Virginem gloriosam,
Matrem clemencie,
In celis graciosam
Senciamus vere.
Stella splendens in monte
Ut solis radium
Miraculis serrato,
Exaudi populum.